ලුම්බිණිය – දැදිගම කොටවෙහෙර
අරියකම්මට්ඨාන සංවිධානය සිදු කළ දීර්ඝ ගවේෂණවල ප්‍රතිඵලයක් ලෙස අපේ බෝසත් සිදත කුමරුන් උපන් පූජනීය ස්ථානය නිවැරදිව සොයාගැනීමට අප සමත් විය. ඒ කෑගල්ල දිස්ත්‍රික්කයේ පිහිටි නෙලුම්දෙණිය නම් ප්‍රදේශයේ දැදිගම කොටවෙහෙර (සූතිඝර චේතිය) නමින් ප්‍රසිද්ධ ස්ථානයයි. මෙම කරුණු ඔප්පු කිරීම සඳහා සාක්ෂි සාධක බොහෝ ප්‍රමාණයක් ඇත.
කෙසේ වෙතත් යටත්විජිත පුරාවිද්‍යා නිලධාරීන් විසින් මෙම ස්ථානය වර්තමානයේ හඳුන්වන්නේ පරාක්‍රමබාහු රජු උපන් ස්ථානය ලෙසිනි. එහෙත් පරාක්‍රමබාහු මහරජ ඉපිද ඇත්තේ සිංහපුරයේ බව එම රජතුමා විසින්ම කරන්නට යෙදුණු සෙල්ලිපිවල පැහැදිළිව සඳහන්කොට ඇත. එබැවින් මෙම පරාක්‍රමබාහු වෘතාන්තය බ්‍රිතාන්‍ය යටත් විජිත නිලධාරීන් විසින් ගොතන ලද තවත් එක් විකෘතියක් පමණක් බව සනාථ වේ.
